ശമ്പള പരിഷ്​കരണ നടപടികൾ ഉടൻ ആരംഭിക്കുക -കെ.ജി.ഒ.യു

തിരുവനന്തപുരം: പതിനൊന്നാം ശമ്പള പരിഷ്കരണ നടപടികൾ ഉടൻ ആരംഭിക്കണമെന്ന് കെ.ജി.ഒ.യു സംസ്ഥാന ജനറൽ സെക്രട്ടറി കെ. വിമലൻ ആവശ്യപ്പെട്ടു. കെ.ജി.ഒ.യു വഞ്ചിയൂർ ബ്രാഞ്ച് സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പ്രസിഡൻറ് എസ്. ഷൺമുഖൻ അധ്യക്ഷത വഹിച്ചു. സെക്രട്ടറി എൻ.ആർ. മനോജ്, സംസ്ഥാന ട്രഷറർ ടി.എ. പത്മകുമാർ, സംസ്ഥാന സെക്രേട്ടറിയറ്റ് അംഗങ്ങളായ മുത്തുകുമാർ, പ്രവീൺകുമാർ, ജില്ല പ്രസിഡൻറ് ടി. രാധാകൃഷ്ണൻ, ജില്ല സെക്രട്ടറി സുനിൽകുമാർ, ട്രഷറർ ബി.എൽ. അനിൽകുമാർ എന്നിവർ സംസാരിച്ചു. ഭാരവാഹികളായി എസ്.പി. ഷാജി പ്രഭ (പ്രസി.), ആർ. ഇന്ദുചന്ദ്രൻ (വൈ. പ്രസി.), വിബിൻ വി (സെക്ര.), മാർട്ടിൻബാബു എം.ബി (ജോ. സെക്ര.), എൻ.ആർ. മനോജ് (ട്രഷ.) എന്നിവരെ തെരഞ്ഞെടുത്തു.