Begin typing your search above and press return to search.
exit_to_app
exit_to_app
Posted On
date_range 15 Nov 2018 5:04 AM GMT Updated On
date_range 15 Nov 2018 5:04 AM GMTപാച്ചല്ലൂരിൽ വീട്ടിൽ മോഷണം; ഗൃഹോപകരണങ്ങളാണ് കവർന്നത്സമീപത്തെ പ്ലേ സ്കൂളിൽ മോഷണശ്രമവും നടന്നു
text_fieldsbookmark_border
കോവളം: പാച്ചല്ലൂരിൽ വീട്ടിൽ മോഷണവും സമീപത്തെ പ്ലേസ്കൂളിൽ മോഷണശ്രമവും നടന്നു. പാച്ചല്ലൂർ രഹന കോേട്ടജിൽ ദിൽഷാദിെൻറ വീട്ടിലാണ് മോഷണം നടന്നത്. കഴിഞ്ഞ ദിവസം അർധരാത്രിയിൽ മോഷണം നടന്നതെന്ന് കരുതുന്നതായി പൊലീസ് പറഞ്ഞു. സമീപത്തെ പ്ലേസ്കൂളിെൻറ യോഗ സെൻററിലാണ് മോഷണശ്രമം നടന്നത്. ദിൽഷാദിെൻറ വീട്ടിലെ അലമാരയിൽ സൂക്ഷിച്ചിരുന്ന ഗൃഹോപകരണങ്ങളാണ് കവർന്നത്. കവർച്ച നടന്ന വീടിെൻറ ഉടമ വിദേശത്താണ്. ഇയാളുടെ അടുത്ത ബന്ധുക്കളാണ് ഇവിടെ കഴിയുന്നത്. കഴിഞ്ഞ ദിവസം വീട്ടിൽ ആരും ഉണ്ടായിരുന്നില്ല. വീടിെൻറ താഴത്തെ നിലയിലെ പിറകുവശത്തെ ജനാല ഗ്ലാസ് പൊട്ടിച്ചശേഷം ജനൽ കമ്പി വളച്ച് അകത്തുകടക്കുകയായിരുന്നു. സ്ഥലത്ത് ഡോഗ് സ്ക്വാഡും വിരലടയാള വിദഗ്ധരും എത്തി പരിശോധന നടത്തി. കഴിഞ്ഞ ദിവസം പൂങ്കുളത്തെ സ്വകാര്യ സ്കൂളിൽ മോഷണം ശ്രമം നടന്നതായും മോഷ്ടാവിെൻറ ചിത്രം സി.സി ടി.വി കാമറയിൽ പതിഞ്ഞതായും സൂചനയുണ്ട്. ഇരു സംഭവങ്ങളിലും ഒരേ പ്രതികളാണോയെന്നും കോവളം പൊലീസ് അന്വേഷിച്ചു വരുകയാണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story