ബെഫി സായാഹ്ന പ്രതിഷേധ ധർണ

തിരുവനന്തപുരം: നോട്ട് നിരോധനം രണ്ടാം വാർഷിക ദിനത്തിൽ ബാങ്ക് എംപ്ലോയീസ് ഫെഡറേഷൻ ഓഫ് ഇന്ത്യ ജില്ലകമ്മിറ്റി പാളയം രക്തസാക്ഷി മണ്ഡപത്തിൽ സംഘടിപ്പിച്ച സായാഹ്ന പ്രതിഷേധ ധർണ എ. സമ്പത്ത് എം.പി ഉദ്ഘാടനം ചെയ്തു. സംസ്ഥാന ജനറൽ സെക്രട്ടറി എസ്‌.എസ്‌. അനിൽ, സ്കറിയ (സി.ഐ.ടി.യു), സുന്ദർ രാജൻ (എൻ.ജി.ഒ യൂനിയൻ), സന്തോഷ് (ബി.എസ്‌.എൻ.എൽ.ഇ.യു), ശ്രീവത്സൻ (എഫ്.എസ്‌.ഐ.ടി.ഒ), മുൻ സംസ്ഥാന പ്രസിഡൻറ് പി.വി. ജോസ്, ഗണപതി കൃഷ്ണൻ (എൽ.ഐ.സി.ഇ.യു), സ്ഥാപക നേതാവ് പി. സദാശിവൻ പിള്ള, പരമേശ്വര കുമാർ (സിൻഡിേക്കറ്റ് ബാങ്ക് സ്റ്റാഫ് യൂനിയൻ) എന്നിവർ സംസാരിച്ചു. സംസ്ഥാന പ്രസിഡൻറ് ജോസ് ടി. എബ്രഹാം അധ്യക്ഷത വഹിച്ചു. ജില്ല സെക്രട്ടറി കെ.പി. ബാബുരാജ് സ്വാഗതവും പ്രസിഡൻറ് കെ. ഹരികുമാർ നന്ദിയും പറഞ്ഞു.