മലയാളഭാഷ വാരാഘോഷം സമാപിച്ചു

തിരുവനന്തപുരം: കേരളപ്പിറവി ദിനമായ നവംബര്‍ ഒന്നുമുതല്‍ ഭാഷ ഇൻസ്റ്റിറ്റ്യൂട്ട് നടത്തിവരുന്ന മലയാള ഭാഷ വാരാഘോഷം സമാപിച്ചു. മാതൃഭാഷ പ്രതിജ്ഞ ചൊല്ലല്‍, തെറ്റില്ലാത്ത മലയാളം മത്സരം, കൈയക്ഷര മത്സരം, ഫയല്‍ എഴുത്ത് മത്സരം എന്നിവ സംഘടിപ്പിച്ചു. സമാപന സമ്മേളനം ഉദ്ഘാടനവും വിജയികള്‍ക്കുള്ള സമ്മാന വിതരണവും ഇന്‍സ്റ്റിറ്റ്യൂട്ട് ഡയറക്ടര്‍ പ്രഫ. വി. കാര്‍ത്തികേയന്‍ നായര്‍ നിര്‍വഹിച്ചു. അഡ്മിനിസ്ട്രേറ്റിവ് ഓഫിസര്‍ വനജ പി.എസ്, എഫ്.എ സദാനന്ദന്‍ ഡി, എ.ഡി.പി സി. അശോകന്‍ എന്നിവര്‍ സംസാരിച്ചു.