ബാലഭാസ്കറി​‍െൻറ ഭാര്യ ലക്ഷ്​മി ആശുപത്രി വിട്ടു

തിരുവനന്തപുരം: കാറപകടത്തില്‍ മരിച്ച വയലിനിസ്റ്റ് ബാലഭാസ്കറി‍​െൻറ ഭാര്യ ലക്ഷ്മി അപകടനില തരണം ചെയ്ത് ജീവിതത്തിലേക്ക് തിരിച്ചുവരുന്നു. പരിക്കുകള്‍ ഭേദമായതോടെ ലക്ഷ്മിയെ ആശുപത്രിയില്‍നിന്ന് ഡിസ്ചാർജ് ചെയ്തു. കഴിഞ്ഞ ദിവസമാണ് ഡിസ്ചാർജ് ചെയ്തത്. ക്ഷേത്രസന്ദര്‍ശനം കഴിഞ്ഞ് മടങ്ങവെ പള്ളിപ്പുറത്ത് ഇവർ സഞ്ചരിച്ചിരുന്ന വാഹനം മരത്തിലിടിച്ചായിരുന്നു അപകടം. ബാലഭാസ്കറി​െൻറ മകളും മരിച്ചു. ഒരു മാസത്തോളമായി ലക്ഷ്മി ആശുപത്രിയിലായിരുന്നു. വലതുകാലിലെ പരിക്ക് കൂടി ഭേദമാകാനുണ്ട്. സംസാരിക്കാനും ഭക്ഷണം കഴിക്കാനും ലക്ഷ്മിക്ക് കഴിയുന്നുണ്ട്. അതിജീവനത്തി​െൻറ മുന്നോട്ടുള്ള വഴികളില്‍ തണലും താങ്ങുമായി ബാലഭാസ്കറി​െൻറയും ലക്ഷ്മിയുടെയും ബന്ധുക്കളും സുഹൃത്തുക്കളും ഒപ്പമുണ്ട്.