മലയോര ഹൈവേ ഒന്നാംഘട്ട നിർമാണാണത്തിന്​ തുടക്കം

വെള്ളറട: മലയോര ഹൈവേയുടെ ഒന്നാംഘട്ട നിർമാണോദ്ഘാടനം മന്ത്രി ജി. സുധാകരന്‍ നിര്‍വഹിച്ചു. 1121 കിലോമീറ്റര്‍ ദൂരം 12 മീറ്റര്‍ വീതിയില്‍ ടാര്‍ ചെയ്യാന്‍ 3500 കോടി രൂപയാണ് െചലവ്. ഒന്നാം ഘട്ടമായി പാറശ്ശാലനിന്ന് ആരംഭിക്കുന്ന മലയോര ഹൈവേ റോഡ് നിർമാണത്തിന് 53. 84 കോടിരൂപയാണ് െചലവ്. പാതയിൽ തമിഴ്‌നാട് സര്‍ക്കാറി​െൻറ വസ്തു ഉള്‍പ്പെട്ടിട്ടുള്ളത് വിട്ടുകിട്ടുന്ന മുറക്കേ വികസനം സാധ്യമാകൂവെന്നും മന്ത്രി പറഞ്ഞു. മന്ത്രിയുടെ ജോലി പൂജാരി ചെയ്യേണ്ടതില്ലന്ന സുധാകരൻ പറഞ്ഞു. സി.കെ. ഹരീന്ദ്രന്‍ എം.എല്‍.എ അധ്യക്ഷതവഹിച്ചു. ജില്ല പഞ്ചായത്ത് പ്രസിഡൻറ് കെ. മധു, ബ്ലോക്ക് പഞ്ചായത്ത് പ്രസിഡൻറുമാരായ പി. സുജാതകുമാരി, വി.ആര്‍. സലൂജ, സി.പി.ഐ ജില്ല സെക്രട്ടറി ജി.ആര്‍. അനില്‍, സി.പി.ഐ ജില്ല എക്‌സിക്യൂട്ടിവ് അംഗം കള്ളിക്കാട് ചന്ദ്രന്‍, പഞ്ചായത്ത് പ്രസിഡൻറുരായ ബി. ഷാജി, എം. ശോഭകുമാരി, എച്ച്.എസ്. അരുണ്‍, എസ്. സുരേഷ്, എല്‍.വി. അജയകുമാര്‍, ജെ.ആര്‍. അജിത, കെ. അനില്‍ വൈ. ലേഖ എന്നിവർ സംസാരിച്ചു.