കളഞ്ഞുകിട്ടിയ പഴ്‌സ് തിരികെ നല്‍കി

തിരുവനന്തപുരം: കളഞ്ഞുകിട്ടിയ പണമടങ്ങിയ പഴ്‌സും പണവും തിരിച്ച് നല്‍കി മാതൃകയായി. മണക്കാട് കുര്യാത്തി രേവതി ഭവനില്‍ രമേശനാണ് പദ്മാനഭസ്വാമി ക്ഷേത്രത്തി​െൻറ പടിഞ്ഞാറേ നടയില്‍നിന്നും കിട്ടിയ 22,000 രൂപയടങ്ങിയ പഴ്സ് ഫോര്‍ട്ട് പൊലീസ് സ്‌റ്റേഷനില്‍ ഏല്‍പിച്ചത്. കോവളം ലൈറ്റ് ഹൗസ് റോഡില്‍ വര്‍മക്വാര്‍ട്ടേഴ്‌സില്‍ രാധാകൃഷ്ണ വര്‍മയുടേതായിരുന്നു പഴ്‌സ്. ഉടമയെ കണ്ടെത്തി പൊലീസ് പഴ്‌സ് കൈമാറി.