ബസ്​സ്​റ്റാൻഡിന് സ്ഥലം വാങ്ങൽ: പഴയകുന്നുമ്മേൽ പഞ്ചായത്ത് ഭീമമായ തുകയുടെ ബാധ്യതയിലേക്ക്

കിളിമാനൂർ: 10 വർഷം മുമ്പ് അരക്കോടിയിലധികം രൂപ നൽകി ബസ്സ്റ്റാൻഡിനായി കിളിമാനൂർ ടൗണിൽ സ്ഥലമെടുത്തതിനെ തുടർന്നുള്ള കോടതി നടപടികളിെല അലംഭാവം നിമിത്തം എൽ.ഡി.എഫ് നേതൃത്വം നൽകുന്ന പഴയകുന്നുമ്മേൽ പഞ്ചായത്ത് വൻ സാമ്പത്തിക ബാധ്യതയിലേക്ക്. ഇപ്പോൾ ഒമ്പതു ലക്ഷം രൂപ നൽകാൻ കോടതി വിധിച്ചപ്പോൾ പഞ്ചായത്തി​െൻറ അനുമതി തേടാതെ അഭിഭാഷകൻ സ്വന്തം നിലയിൽ കോടതിയിൽ കെട്ടിവെക്കാമെന്ന് സമ്മതപത്രം നൽകുകയായിരുെന്നന്ന് സൂചനയുണ്ട്. ശനിയാഴ്ച കേസ് പരിഗണിക്കുമ്പോൾ അരക്കോടിയിലേറെ രൂപ പഞ്ചായത്തിന് വീണ്ടും കേസുമായി ബന്ധപ്പെട്ട് നൽകേണ്ടി വരുമെന്നാണ് സൂചന. 1995-2000 കാലയളവിലെ ഭരണസമിതിയാണ് ഭൂമി വാങ്ങിയത്. ടൗണിനോട് ചേർന്ന് കിടക്കുന്ന രണ്ടേക്കർ 22 സ​െൻറ് ചതുപ്പ് നിലത്തിന് അന്ന് പൊന്നുംവില നൽകി. പഞ്ചായത്ത് ഭരണസമിതിയുടെ കാലാവധി അവസാനിക്കാറായതോടെ തുക കുറവാണെന്ന് കാട്ടി 13 ഉടമകളും നഷ്ടപരിഹാരത്തിനായി ഹൈകോടതിയെ സമീപിച്ചു. 2003ൽ കേസ് കോടതി പരിഗണിക്കുന്നതുവരെ യഥാവിധി അന്വേഷണം നടത്തുകയോ അഭിഭാഷകനെ ചുമതലപ്പെടുത്തുകയോ െചയ്തില്ല. 2008 ൽ കേസിലെ 11 കക്ഷികൾക്കുമായി 53 ലക്ഷം രൂപ കരുതൽ നഷ്ടപരിഹാരം നൽകാൻ കോടതി വിധിയുണ്ടായി. 2008-2009 ലെ പദ്ധതിവിഹിതത്തിൽനിന്ന് ഈ തുക സർക്കാർ അനുമതിയോടെ പഞ്ചായത്ത് കെട്ടിെവച്ചു. ഇതിനിടയിൽ കേസ് ഹൈകോടതിയിൽനിന്ന് കീഴ്കോടതിയിലേക്ക് മാറ്റാൻ നൽകിയ അപേക്ഷയും കോടതി പരിഗണിച്ചു. ഇതി​െൻറ അടിസ്ഥാനത്തിൽ ഒന്നൊഴികെയുള്ള കേസുകൾ ആറ്റിങ്ങൽ കോടതിയിലേക്ക് മാറ്റി. ഈ സമയമെല്ലാം കേസിൽ കോടതിയിൽ ഹാജരായത് സി.പി.എമ്മി​െൻറ പാർട്ടി അംഗവും ഏരിയ നേതാവുമായ അഭിഭാഷകനാണ്.