ആചാരങ്ങളെ ബഹുമാനിക്കുന്നു, നിയമവ്യവസ്ഥയെയും -​പൊലീസ്​

തിരുവനന്തപുരം: ആചാരങ്ങളെയും വിശ്വാസങ്ങളെയും ബഹുമാനിക്കുന്നതിനൊപ്പം നിയമവ്യവസ്ഥയെ അംഗീകരിക്കേണ്ട ഉത്തരവാദിത്തവും തങ്ങൾക്കുണ്ടെന്ന് കേരള പൊലീസ്. ഒൗദ്യോഗിക ഫേസ്ബുക്ക് പേജിലാണ് ഇക്കാര്യം വ്യക്തമാക്കുന്നത്. ശബരിമലയിലെ ശരണപാതകളിൽ പൊലീസ് പതിറ്റാണ്ടുകളായി സേവനമനുഷ്ഠിക്കുന്നു. പ്രതികൂല സാഹചര്യങ്ങളിലും വിശ്വാസികൾക്കൊപ്പം വ്രതനിഷ്ഠയോടെയാണ് നിലകൊണ്ടിട്ടുള്ളത്. നീതിനിർവഹണ സംവിധാനമെന്നനിലയിൽ പരമോന്നത നീതിപീഠത്തി​െൻറ ഉത്തരവുകൾ നടപ്പാക്കേണ്ട ഉത്തരവാദിത്തവുമുണ്ട്. സേവനപാതയിൽ പൊലീസിന് കരുത്തുപകരാൻ ഏവരുടെയും പിന്തുണയുണ്ടാകണമെന്നും പോസ്റ്റിൽ അഭ്യർഥിക്കുന്നു.