ശബരിമല: പ്രതിഷേധ പ്രകടനവും പൊതുയോഗവും

കിളിമാനൂർ: ശബരിമലയിലെ പൊലീസ് നടപടിക്കെതിരെ ബി.ജെ.പി പുളിമാത്ത് പഞ്ചായത്ത് തോട്ടവാരം ബൂത്ത് കമ്മിറ്റി പ്രതിഷേധ പ്രകടനം നടത്തി. പ്രസിഡൻറ് ഷിജി​െൻറ അധ്യക്ഷതയിൽ തോട്ടവാരത്തുനിന്നും ആരംഭിച്ച പ്രതിഷേധ പ്രകടനം അയിലംകടവ് വഴി മൂന്നുമുക്കിൽ അവസാനിച്ചു. പ്രതിഷേധ യോഗം കാരേറ്റ് ശിവപ്രസാദ് ഉദ്‌ഘാടനം ചെയ്തു. യുവമോർച്ച ആറ്റിങ്ങൽ നിയോജകമണ്ഡലം പ്രസിഡൻറ് നഗരൂർ വിമേഷ്, പുളിമാത്ത്‌ പഞ്ചായത്ത്‌ കമ്മിറ്റി പ്രസിഡൻറ് സജീന്ദ്രൻ, സെക്രട്ടറി മനോജ്‌ എന്നിവർ സംസാരിച്ചു. പ്രകടനത്തിന് അമൽ, കണ്ണൻ, വിനോദ് എന്നിവർ നേതൃത്വം നൽകി.