നന്ദിയോട്ട് എല്‍.ഡി.എഫ് സീറ്റ് നിലനിര്‍ത്തി

പാലോട്: നന്ദിയോട് പഞ്ചായത്തിലെ മീന്‍മുട്ടി വാര്‍ഡില്‍ നടന്ന ഉപതെരഞ്ഞെടുപ്പില്‍ എല്‍.ഡി.എഫിന് വിജയം. പഞ്ചായത്ത് പ്രസിഡൻറായിരുന്ന സി.പി.എമ്മിലെ വി.വി. അജിത്ത് അന്തരിച്ച ഒഴിവിലേക്ക് നടന്ന തെരഞ്ഞെടുപ്പില്‍ എല്‍.ഡി.എഫ് സ്ഥാനാർഥി ആര്‍. പുഷ്പന്‍ 106 വോട്ടി​െൻറ ഭൂരിപക്ഷത്തില്‍ വിജയിച്ചു. പട്ടികവര്‍ഗ സംവരണ സീറ്റാണ് മീന്‍മുട്ടി. യു.ഡി.എഫ് സ്ഥാനാർഥി ആര്‍.ആര്‍. രാജേഷ് 500 വോട്ടുകളും ബി.ജെ.പി സ്ഥാനാർഥി എം.എസ്. അശ്വതി 134 വോട്ടും നേടി. കഴിഞ്ഞ തവണ എൽ.ഡി.എഫ് 526, യു.ഡി.എഫ് 428, ബി.ജെ.പി 146 എന്നിങ്ങനെയായിരുന്നു വോട്ട് നില. പ്രസിഡൻറ് സ്ഥാനം പട്ടിക വര്‍ഗ സംവരണം ചെയ്തിട്ടുള്ള നന്ദിയോട്ട് സി.പി.എമ്മിലെ ദീപ സുരേഷാണ് നിലവിൽ പ്രസിഡൻറ്. തെരഞ്ഞെടുപ്പ് വിജയശേഷം പ്രവർത്തകർ പഞ്ചായത്തിലുടനീളം ആഹ്ലാദപ്രകടനം നടത്തി.