കരിച്ചാറ ഗവ. എൽ.പി സ്കൂൾ ഹൈടെക് ക്ലാസ് മുറികളുമായി വികസനത്തി​െൻറ പാതയിൽ

കണിയാപുരം: കരിച്ചാറ ഗവ. എൽ.പി സ്കൂളിൽ എം.പി അനുവദിച്ച മുപ്പതുലക്ഷം രൂപ ചെലവഴിച്ച് നിർമിക്കുന്ന ഹൈടെക് ക്ലാസ് മുറികളുടെ നിർമാണോദ്‌ഘാടനം ഡോ. എ. സമ്പത്ത് എം.പി നിർവഹിച്ചു. അണ്ടൂർക്കോണം പഞ്ചായത്ത് പ്രസിഡൻറ് ഉഷാകുമാരി അധ്യക്ഷത വഹിച്ചു. പഞ്ചായത്ത് വൈസ് പ്രസിഡൻറ് പൊടിമോൻ അഷ്‌റഫ്‌, ജില്ല പഞ്ചായത്തംഗം എം. ജലീൽ, ബ്ലോക്ക് പഞ്ചായത്തംഗം അൽത്താഫ്, പഞ്ചായത്തംഗങ്ങളായ ബുഷ്റ നവാസ്, സുനിത, കൃഷ്ണന്‍, പ്രഭ, ജയചന്ദ്രൻ, ഉണ്ണികൃഷ്ണൻ, ഭുവനേന്ദ്രൻ നായര്‍, കാസിം പിള്ള, ശാരി എന്നിവർ സംസാരിച്ചു. പി.ടി.എ പ്രസിഡൻറ് കരിച്ചാറ നാദർഷാ സ്വാഗതവും പ്രധാനാധ്യാപക ലീല നന്ദിയും പറഞ്ഞു.