ശസ്ത്രക്രിയയില്‍ ഡോക്ടര്‍മാര്‍ക്ക് വിദഗ്ധ പരിശീലനം

തിരുവനന്തപുരം: കിംസ് ആശുപത്രിയും ജോണ്‍സന്‍ ആൻഡ് ജോണ്‍സന്‍ ഓണ്‍ വീല്‍സും സംയുക്തമായി സര്‍ജന്‍മാര്‍ക്കായി വിദഗ്ധ പരിശീലനം സംഘടിപ്പിച്ചു. ഗവ.ഓഫ് ഇന്ത്യ സ്‌കില്‍ ഇന്ത്യ മിഷനുമായി സഹകരിച്ച് ഇന്‍സ്റ്റിറ്റ്യൂട്ടിലുള്ളതിന് തുല്യമായ അടിസ്ഥാന സൗകര്യങ്ങള്‍ ലോകോത്തര നിലവാരത്തില്‍ വോള്‍വോ കോച്ചില്‍ ഒരുക്കിയിട്ടുള്ള ആദ്യ സംരംഭമാണ് ജോണ്‍സണ്‍ ആൻഡ് ജോണ്‍സണ്‍ ഇന്‍സ്റ്റിറ്റ്യൂട്ട് ഓണ്‍ വീല്‍സ്. ആരോഗ്യപരിപാലനത്തിന് മെച്ചപ്പെട്ട പഠന സാഹചര്യം ഒരുക്കുന്നതിലൂടെ സങ്കീര്‍ണമായ ശസ്ത്രക്രിയകളുടെ പ്രയാസം കുറച്ച് കൂടുതല്‍ ജീവനുകള്‍ രക്ഷിക്കാനാണ് പദ്ധതിയിലൂടെ ലക്ഷ്യമിടുന്നത്. കിംസ് ഗ്രൂപ് സി.എം.ഡി ഡോ. എം.ഐ. സഹദുല്ല ഉദ്ഘാടനം ചെയ്തു.