മഴയിൽ വീട്​ തകർന്നു; അമ്മയും മകളും ദുരിതത്തിൽ

മലയിൻകീഴ്: മഴയിൽ വീട് തകർന്നതോടെ കുടുംബം ദുരിതത്തിൽ. വിളവൂർക്കൽ കുണ്ടാക്കോണം പാറയം വിളാകത്ത് വീട്ടിൽ വി.എസ്. സുജിതകുമാരിയും മകളുമാണ് കേറിയിരിക്കാൻ ഇടമില്ലാതെ വലയുന്നത്. വീടി​െൻറ മുൻവശം പൂർണമായും തകർന്നു. കഴിഞ്ഞദിവസങ്ങളിൽ പെയ്ത മഴയാണ് വീട് ഇടിഞ്ഞുവീഴാൻ കാരണം. വിളവൂർക്കൽ പഞ്ചായത്ത് അധികൃതരെ വിവരമറിയിച്ചെങ്കിലും ആരും തിരിഞ്ഞ് നോക്കിയിട്ടില്ലെന്ന് സുജിതകുമാരി പറയുന്നു. ശേഷിക്കുന്ന വീടി​െൻറ ഭാഗം ഏത് നിമിഷംവേണമെങ്കിലും നിലംപൊത്താവുന്ന അവസ്ഥയിലാണ്.