ദേവസ്ഥാന നിർണയം

വർക്കല: പുനർനിർമാണം പുരോഗമിക്കുന്ന കാപ്പിൽ തെങ്ങുവിള ഭഗവതീക്ഷേത്രത്തിലെ ദേവസ്ഥാന നിർണയചടങ്ങ് ശനിയാഴ്ച കാണിപ്പയ്യൂർ കൃഷ്ണൻ നമ്പൂതിരിയുടെ കാർമികത്വത്തിൽ നടക്കുമെന്ന് സെക്രട്ടറി അറിയിച്ചു. ● വെൺകുളം ഭജനമഠത്തിൽ നവരാത്രി സംഗീതോത്സവം വർക്കല: വെൺകുളം സരസ്വതീക്ഷേത്രത്തിലെ നവരാത്രി സംഗീതോത്സവം ബുധനാഴ്ച ആരംഭിക്കുമെന്ന് സെക്രട്ടറി എസ്. സത്യൻ അറിയിച്ചു.19ന് സംഗീതോത്സവം സമാപിക്കും. എല്ലാ ദിവസവും രാവിലെ എട്ടിന് ദേവീഭാഗവത പാരായണം, ഉച്ചക്ക് അന്നദാനം, അസ്തമയത്തിന് ദീപാരാധന എന്നിവ നടക്കും. ബുധനാഴ്ച വൈകീട്ട് ആറിന് തിരുവനന്തപുരം സ്വാതിതിരുനാൾ സംഗീത കോളജ് റിട്ട. പ്രിൻസിപ്പൽ ഡോ.എസ്. ബാലാംബാൾ ഉദ്ഘാടനം ചെയ്യും. 19ന് രാവിലെ ഏഴിന് വിദ്യാരംഭചടങ്ങും നടക്കും.