രണ്ട് ബി.ജെ.പി അംഗങ്ങളെ അയോഗ്യരാക്കാന്‍ നടപടി

ആറ്റിങ്ങല്‍: നഗരസഭയിലെ ബി.ജെ.പി അംഗങ്ങളായ എന്‍. പദ്മനാഭന്‍, എസ്. സന്തോഷ് എന്നിവരെ അയോഗ്യരാക്കാന്‍ നീക്കം. സത്യപ്രതിജ്ഞാലംഘനം നടത്തിയെന്ന് ചൂണ്ടിക്കാട്ടിയാണ് നഗരസഭ കൗണ്‍സില്‍ ഇവര്‍ക്കെതിരെ നടപടിക്ക് ആലോചിക്കുന്നത്. സി.പി.എം പാര്‍ലമ​െൻററി പാര്‍ട്ടി ലീഡറായ സി.ജെ. രാജേഷ്‌കുമാറാണ് ഇതുസംബന്ധിച്ച പ്രമേയം അവതരിപ്പിച്ചത്. പ്രതിപക്ഷനേതാവ് എം. അനില്‍കുമാര്‍, കെ. പ്രിന്‍സ് രാജ്, ഇമാമുദ്ദീന്‍, എം.കെ. സുരേഷ്, താഹിര്‍, ജി. തുളസീധരന്‍പിള്ള എന്നിവര്‍ ചര്‍ച്ചയില്‍ പങ്കെടുത്തു. അയോഗ്യരാക്കണമെന്നാവശ്യപ്പെട്ട് െതരഞ്ഞെടുപ്പ് കമീഷനെ സമീപിക്കാനാണ് തീരുമാനം. നിയമോപദേശം തേടിയശേഷമായിരിക്കും ഇത്.