ശാന്തിഗിരി 'നവപൂജിതം' 13ന്

പോത്തന്‍കോട്: ശാന്തിഗിരി 'നവപൂജിതം', ആഘോഷങ്ങള്‍ ഒഴിവാക്കി വ്യാഴാഴ്ച പ്രാർഥനദിനമായി ആചരിക്കും. കരുണാകര ഗുരുവി​െൻറ 92ാമത് ജന്മദിനമാണ് നവപൂജിതദിനമായി ആചരിക്കുന്നത്. കേരളം കണ്ട ഏറ്റവും വലിയ പ്രളയത്തി​െൻറ പശ്ചാത്തലത്തില്‍ ഇത്തവണ ആഘോഷങ്ങള്‍ വേണ്ടെന്ന് തീരുമാനിക്കുകയായിരുന്നു. നവപൂജിതത്തോടനുബന്ധിച്ച് രാജ്യത്തുടനീളം ആഘോഷങ്ങള്‍ക്കായി വകയിരുത്തിയ തുക കേരളത്തിലെ ദുരിതബാധിതരുടെ ആശ്വാസത്തിനും പുനരധിവാസത്തിനുമായി വിനിയോഗിക്കുമെന്ന് ഓര്‍ഗനൈസിങ് സെക്രട്ടറി സ്വാമി ഗുരുരത്നം ജ്ഞാനതപസ്വി അറിയിച്ചു.