ഉരുൾപൊട്ടൽ: ശാസ്ത്രീയപഠനം ആവശ്യപ്പെട്ട് സ്പീക്കർക്ക് കത്ത്

തിരുവനന്തപുരം: ഉരുൾപൊട്ടലുണ്ടായ പഞ്ചായത്തുകളിൽ ശാസ്ത്രീയപഠനം നടത്തണമെന്നാവശ്യപ്പെട്ട് സ്പീക്കർ പി. ശ്രീരാമകൃഷ്ണന് കത്ത്. കോഴിക്കോട് തിരുവമ്പാടി നിയോജക മണ്ഡലത്തിലെ തോട്ടുമുക്കം എന്ന മലയോരഗ്രാമത്തിലെ റബർ ടാപ്പിങ് തൊഴിലാളിയായ ബാലകൃഷ്ണനാണ് ഫേസ്ബുക്കിലൂടെ കത്തയച്ചത്. കത്തി​െൻറ പ്രസക്തഭാഗം ഇങ്ങനെ -'കൊടിയത്തൂർ, കാരശ്ശേരി, കൂടരഞ്ഞി പഞ്ചായത്തുകളിൽ ആഗസ്റ്റ് 16ന് പുലർച്ചെ നിരവധി ഉരുൾപൊട്ടലും മണ്ണിടിച്ചിലും ഉണ്ടായി. ഇവയിലധികവും ക്വാറികളിലും പരിസരത്തുമാണ്. എന്നാൽ, ഉരുൾപൊട്ടലുണ്ടായ മേഖലകളിലെ ക്വാറികൾ ഒരു പഠനവും നടത്താതെ പുനരാരംഭിച്ചിരിക്കുകയാണ്. ഇൗ സാഹചര്യത്തിൽ മേൽപറഞ്ഞ പഞ്ചായത്തുകളിൽ ശാസ്ത്രീയപഠനം നടത്താൻ വേണ്ടത് ചെയ്യണം'.