ദുരിതാശ്വാസനിധി സമാഹരണം: കേരള ക്ഷേത്രവാദ്യകലാ അക്കാദമി കലാപ്രകടനം നടത്തും

തിരുവനന്തപുരം: പ്രളയദുരിതാശ്വാസനിധിയിലേക്ക് നഗരസഭ സംഘടിപ്പിച്ചിട്ടുള്ള പ്രത്യേക കൗണ്ടർ കലക്ഷൻ പരിപാടിയിലേക്കുള്ള ധനശേഖരണാർഥം കേരള ക്ഷേത്രവാദ്യകലാ അക്കാദമി ജില്ല ഘടകത്തിലെ കലാകാരന്മാർ ഞായറാഴ്ച വൈകീട്ട് മൂന്നിന് ശ്രീപത്മനാഭ ക്ഷേത്രത്തി​െൻറ കിഴക്കേനടയിൽ കലാപ്രകടനം സംഘടിപ്പിക്കും. മേയർ വി.കെ. പ്രശാന്ത് ഉദ്ഘാടനം ചെയ്യും. എൺപതോളം ക്ഷേത്രവാദ്യ കലാകാരന്മാർ അണിനിരക്കും. ദുരിതാശ്വാസനിധി സമാഹരണത്തിന് നഗരസഭ ഏർപ്പെടുത്തിയിട്ടുള്ള പ്രത്യേക കൗണ്ടറുകൾ ഞായറാഴ്ച രാവിലെ ഒമ്പത് മുതൽ വൈകീട്ട് അഞ്ചുവരെ പ്രവർത്തിക്കുമെന്ന് മേയർ അറിയിച്ചു.