പ്രളയം: ജൈവവൈവിധ്യ മേഖലയിലെ ആഘാതം പഠിക്കും

തിരുവനന്തപുരം: പ്രളയം കേരളത്തി​െൻറ ജൈവവൈവിധ്യ മേഖലയിലുണ്ടാക്കിയ ആഘാതം സമഗ്രമായി പഠിക്കുമെന്ന് മുഖ്യമന്ത്രി പിണറായി വിജയൻ അറിയിച്ചു. സംസ്ഥാന ജൈവവൈവിധ്യ ബോര്‍ഡി​െൻറ നേതൃത്വത്തിൽ തദ്ദേശ സ്ഥാപനങ്ങളിലെ ബയോഡൈവേഴ്സിറ്റി മാനേജ്മ​െൻറ് കമ്മിറ്റികളുമായി ചേര്‍ന്നാണ് പഠനമെന്നും മുഖ്യമന്ത്രി ഫേസ്ബുക്ക് കുറിപ്പിൽ അറിയിച്ചു. പ്രാദേശികമായി സൂക്ഷ്മ സർവേ നടത്താനാണ് തീരുമാനം. ഒരു മാസത്തിനകം ഇത് പൂര്‍ത്തിയാകും. വിദഗ്ധരടങ്ങിയ സംസ്ഥാനതല സമിതി സർവേയും പഠനവും നിരീക്ഷിക്കും. ജൈവവൈവിധ്യ മേഖലയിലെ വിദഗ്ധരായ നൂറുപേരെ പഠനത്തിന് നേതൃത്വം നല്‍കാന്‍ ചുമതലപ്പെടുത്തും. ഈ റിപ്പോര്‍ട്ടി​െൻറ കൂടി പശ്ചാത്തലത്തിലാകും സംസ്ഥാനത്തി​െൻറ സുസ്ഥിരവികസനത്തിന് ഉതകുന്ന പദ്ധതികള്‍ ആസൂത്രണം ചെയ്യുകയെന്നും മുഖ്യമന്ത്രി അറിയിച്ചു.