പമ്പ-ത്രിവേണി പുനരുദ്ധാരണം സര്‍ക്കാര്‍ നടത്തണം -ചെന്നിത്തല

തിരുവനന്തപുരം: പമ്പ പുനരുദ്ധാരണത്തിന് സര്‍ക്കാറി​െൻറ അടിയന്തര ഇടപെടല്‍ ആവശ്യപ്പെട്ട് പ്രതിപക്ഷ നേതാവ് രമേശ് ചെന്നിത്തല മുഖ്യമന്ത്രിക്ക് കത്ത് നല്‍കി. മണ്ഡലകാലം ആരംഭിക്കാന്‍ രണ്ട് മാസമേയുള്ളൂ. ബെയ്‌ലി പാലം അടിയന്തരമായി നിര്‍മിക്കണം. അതിന് കേന്ദ്ര സഹായം തേടണമെന്നും കത്തില്‍ ആവശ്യപ്പെട്ടു. ഉടന്‍ മന്ത്രിമാരുടെയും വകുപ്പ് തലവന്മാരുടെയും അടിയന്തര യോഗം വിളിച്ച് പ്രത്യേക മാസ്റ്റര്‍ പ്ലാന്‍ തയാറാക്കണം. സര്‍ക്കാറി​െൻറ പൂർണനിയന്ത്രണത്തിലായിരിക്കണം പമ്പ-ത്രിവേണി പുനരുദ്ധാരണമെന്നും അദ്ദേഹം ആവശ്യപ്പെട്ടു.