കഞ്ചാവുമായി ഝാർഖണ്ഡ് സ്വദേശി പിടിയിൽ

തിരുവനന്തപുരം: കഞ്ചാവുമായി റെയിൽവേ സ്റ്റേഷനിലെത്തിയ യുവാവിനെ പേട്ട പൊലീസ് പിടികൂടി. ഝാർഖണ്ഡ് സ്വദേശി മുലാൽ മണ്ഡൽ (28) ആണ് അറസ്റ്റിലായത്. ഇയാളുടെ പക്കൽനിന്ന് ഒരു കിലോ 150 ഗ്രാം കഞ്ചാവ് പൊലീസ് പിടിച്ചെടുത്തു. രഹസ്യവിവരത്തെ തുടർന്ന് പൊലീസ് നടത്തിയ പരിശോധനയിലാണ് പിടിയിലായത്. പേട്ടയിൽ താമസിക്കുന്ന ഇതരസംസ്ഥാന തൊഴിലാളികൾക്കായി കൊണ്ടുവന്നതാണ് കഞ്ചാവെന്ന് ഇയാൾ സമ്മതിച്ചതായി പൊലീസ് പറഞ്ഞു. ശംഖുംമുഖം എ.സി പി. ഷാനിഹാ‍​െൻറ നിർദേശപ്രകാരം പേട്ട എസ്.എച്ച്.ഒ സജുകുമാർ, എസ്.ഐ വിനോദ് വിക്രമാദിത്യൻ എന്നിവരുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.