റൺ​േവ മാറി ഇറങ്ങി, വിമാനത്തി​െൻറ ടയർ പഞ്ചറായി

ശംഖുംമുഖം: മാലദ്വീപിലെ വെലേന വിമാനത്താവളത്തിൽ എയർ ഇന്ത്യ വിമാനം റൺവേ മാറിയിറങ്ങി; വൻ ദുരന്തം ഒഴിവായി. വിമാനത്തി​െൻറ ടയറുകൾ പഞ്ചറായതൊഴിച്ചാൽ അപകടമുണ്ടായില്ല. വെള്ളിയാഴ്ച ഉച്ചക്ക് 2.40ന് 100 യാത്രക്കാരുമായി തിരുവനന്തപുരത്ത് നിന്ന് മാലദ്വീപിലേക്ക് പോയ വിമാനമാണ് അപകടത്തിൽനിന്ന് രക്ഷപ്പെട്ടത്. 3.45ന് ഇറങ്ങിയശേഷം തെന്നിമാറിയ വിമാനം സമീപം നിർമാണത്തിലിരുന്ന റൺേവയിലേക്ക് ഓടിക്കയറുകയായിരുന്നു. കുലുക്കം അനുഭവപ്പെട്ടതായി എയർ ഇന്ത്യ അധികൃതർ അറിയിച്ചു. റൺേവ മാറി ഇറങ്ങിയതറിഞ്ഞ പൈലറ്റ് പെട്ടെന്ന് ബ്രേക്കിട്ടതിനാൽ രണ്ട് ടയറുകളും പഞ്ചറായി. സുരക്ഷസേനയും അഗ്നിശമനസേനയും യാത്രക്കാരെ വിമാനത്തിൽ നിന്ന് മാറ്റി. പിന്നീട് വിമാനം കെട്ടിവലിച്ച് ബേയിലേക്ക് മാറ്റി. ഈ വിമാനം തിരികെ തിരുവനന്തപുരത്തെത്തി ഏഴിന് ഡൽഹിയിലേക്ക് സർവിസ് നടത്തേണ്ടതായിരുന്നു. വെള്ളിയാഴ്ചത്തെ തിരുവനന്തപുരം- ഡൽഹി സർവിസ് റദ്ദാക്കി. യാത്രക്കാരെ ഹോട്ടലിലേക്ക് മാറ്റിപ്പാർപ്പിച്ചു.