കെ.എസ്​.ആർ.ടി.സി പ്രശ്​നപരിഹാരത്തിന്​ ഗതാഗതമന്ത്രി ഇടപെടണം

തിരുവനന്തപുരം: കെ.എസ്.ആർ.ടി.സിയിൽ നിലവിലുള്ള പ്രശ്നങ്ങൾ അടിയന്തരമായി ചർച്ച ചെയ്ത് പരിഹരിക്കാൻ ഗതാഗതമന്ത്രി മുൻകൈയെടുക്കണമെന്ന് കെ.എസ്.ടി ഡ്രൈവേഴ്സ് യൂനിയൻ സംസ്ഥാന പ്രസിഡൻറ് വി.എസ്. ശിവകുമാർ. സംയുക്ത ട്രേഡ് യൂനിയനുകളുടെ നേതൃത്വത്തിൽ ചീഫ് ഒാഫിസ് പടിക്കൽ നടന്നുവരുന്ന അനിശ്ചിതകാല സത്യഗ്രഹ സമരം രണ്ടാം ദിവസം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കെ.എസ്.ആർ.ടി.ഇ.എ സംസ്ഥാന ജനറൽ സെക്രട്ടറി സി.കെ. ഹരികൃഷ്ണൻ അധ്യക്ഷതവഹിച്ചു. കെ.എസ്.ആർ.ടി.ഇ.എ സംസ്ഥാന പ്രസിഡൻറ് വൈക്കം വിശ്വൻ മുഖ്യപ്രഭാഷണം നടത്തി. കെ.എസ്.ടി വർക്കേഴ്സ് യൂനിയൻ സംസ്ഥാന ജനറൽ സെക്രട്ടറി ആർ. ശശിധരൻ, ഡ്രൈവേഴ്സ് യൂനിയൻ സംസ്ഥാന വർക്കിങ് പ്രസിഡൻറ് സണ്ണി തോമസ്, കെ.എസ്.ടി.ഇ.യു സംസ്ഥാന ജനറൽ സെക്രട്ടറി എം.ജി. രാഹുൽ, എം. ശിവകുമാർ, ടി. ദിലീപ്, ടി.ആർ. ബിജു.പി, ഗോപാലകൃഷ്ണൻ, കെ. ഗോപകുമാർ, വി.കെ. ഷാജൻ എന്നിവർ സംസാരിച്ചു.