ഹോട്ടലിൽനിന്ന് ആക്രമിച്ച്​ പുറത്താക്കിയതായി മാനേജിങ് പാർട്ണർ

കൊല്ലം: ഹോട്ടലിൽനിന്ന് പാർട്ണറെയും മകനെയും ആക്രമിച്ച് പുറത്താക്കിയതായി മാനേജിങ് പാർട്ണറുടെ പരാതി. പുന്തലത്താഴം സൗപർണിക ഹോട്ടലി​െൻറ നടത്തിപ്പുകാരനായ ഭർത്താവ് അനിൽകുമാർ, മകൻ അനന്ദു എന്നിവരെയാണ് മർദിച്ച് പുറത്താക്കിയതെന്ന് മാനേജിങ് പാർട്ണർ ഉഷ വാർത്തസമ്മേളനത്തിൽ ആരോപിച്ചു. ഞായറാഴ്ച രാത്രി പത്തോടെയാണ് സംഭവം. അനിൽകുമാറി​െൻറ സഹോദരൻ അടക്കമുള്ള സഹ നടത്തിപ്പുകാർ ഗുണ്ടകളുമായെത്തി ഭർത്താവിനെയും മകനെയും മർദിച്ച് ഹോട്ടലിൽനിന്ന് പുറത്താക്കുകയായിരുന്നെന്നാണ് ഇവർ പറയുന്നത്. സംഭവത്തി​െൻറ സി.സി.ടി.വി ദൃശ്യമടക്കം ഇരവിപുരം പൊലീസിലും സിറ്റി പൊലീസ് കമീഷണർക്കും കൈമാറി. ഇതുവരെ നടപടിയുണ്ടായില്ലെന്നും ഉഷ ആരോപിച്ചു. സംഭവവുമായി ബന്ധപ്പെട്ട് പത്ത് പേർക്കെതിരെ കേസെടുത്തിട്ടുണ്ടെന്ന് ഇരവിപുരം പൊലീസ് അറിയിച്ചു.