അനധികൃത പാർക്കിങ് കേന്ദ്രങ്ങൾ അനുവദിക്കില്ലെന്ന് നഗരസഭ

തിരുവനന്തപുരം: ലൈസൻസ് ഇല്ലാതെ പ്രവർത്തിക്കുന്ന പാർക്കിങ് കേന്ദ്രങ്ങൾ അടച്ചുപൂട്ടുമെന്ന് തിരുവനന്തപുരം നഗരസഭ മുന്നറിയിപ്പ് നൽകി. പാർക്കിങ് കേന്ദ്രങ്ങൾ ആരംഭിക്കാനാഗ്രഹിക്കുന്നവർ നഗരസഭയിൽ അപേക്ഷ സമർപ്പിച്ച് പ്രതിവർഷം 3000 രൂപ ലൈസൻസ് ഫീസ് ഒടുക്കി അനുമതിപത്രം വാങ്ങണം. അല്ലാത്തപക്ഷം മുനിസിപ്പൽ ആക്ട് സെക്ഷൻ 475 പ്രകാരം 5000 രൂപ പിഴ ഈടാക്കുമെന്ന് മേയർ വി.കെ. പ്രശാന്ത് അറിയിച്ചു.