അനധികൃത മദ്യവിൽപന നടത്തിയയാൾ അറസ്​റ്റിൽ

പൂന്തുറ: മത്സ്യത്തൊഴിലാളികൾക്കിടയിൽ അനധികൃതമായി ഇന്ത്യൻ നിർമിത വിദേശമദ്യ വിൽപന നടത്തിയ പൂന്തുറ സ്വദേശി പാപ്പച്ചൻ എന്ന മരിയനെ പൂന്തുറ പൊലീസ് അറസ്റ്റ് ചെയ്തു. ബിവറേജസ് കോർപറേഷനിൽനിന്ന് വാങ്ങുന്ന മദ്യം സ്കൂട്ടറിൽ കറങ്ങിനടന്ന് മത്സ്യത്തൊഴിലാളികൾക്കിടയിൽ ചില്ലറ വിൽപന നടത്തുന്നതായി വിവരം ലഭിച്ചതി​െൻറ അടിസ്ഥാനത്തിലാണ് അറസ്റ്റ്. പൂന്തുറ ചേരിയമുട്ടത്ത് മദ്യവിൽപനക്കിടയാണ് 5.8 ലിറ്റർ മദ്യവുമായി പിടിയിലായത്. പൂന്തുറ പൊലീസ് ഇൻസ്പെക്ടർ സജികുമാർ, എസ്.െഎമാരായ സജിൻലൂയിസ്, വിനോദ്കുമാർ, ശൈലേന്ദ്രപ്രസാദ്, എസ്.എസ്.െഎ വിജയകുമാർ, എസ്.സി.പി.ഒ ജയശങ്കർ എന്നിവർ അറസ്റ്റിന് നേതൃത്വം നൽകി. കോടതിയിൽ ഹാജരാക്കി റിമാൻഡ് ചെയ്തു.