ഒരുമാസ വേതനം സമ്പൂർണമാക്കുക - ആക്​ഷൻ കൗൺസിൽ, സമരസമിതി

തിരുവനന്തപുരം: കേരളത്തെ പുനഃസൃഷ്ടിക്കാനുള്ള സംസ്ഥാന സർക്കാറി​െൻറ പ്രവർത്തനങ്ങളിൽ മുഴുവൻ ജീവനക്കാരെയും അധ്യാപകരെയും പങ്കാളികളാക്കാൻ ആക്ഷൻ കൗൺസിൽ ഓഫ് സ്റ്റേറ്റ് എംപ്ലോയീസ് ടീച്ചേഴ്സും അധ്യാപക സർവിസ് സംഘടനാ സമര സമിതിയും സംയുക്തമായി തീരുമാനിച്ചു. മറ്റെല്ലാ ചെലവുകളും മാറ്റിവെച്ചോ പരിമിതപ്പെടുത്തിയോ തങ്ങളുടെ ഒരുമാസത്തെ വേതനം മുഖ്യമന്ത്രിയുടെ ദുരിതാശ്വാസഫണ്ടിലേക്ക് സംഭാവന ചെയ്യാൻ മുഴുവൻ ജീവനക്കാരും അധ്യാപകരും തയാറാകണമെന്ന് ആക്ഷൻ കൗൺസിൽ ജനറൽ കൺവീനർ ടി.സി. മാത്തുക്കുട്ടിയും സമരസമിതി ജനറൽ സെക്രട്ടറി എസ്. വിജയകുമാരൻ നായരും ആവശ്യപ്പെട്ടു.