വീട്ടമ്മയുടെ കണ്ണിൽ മുളകുപൊടിയെറിഞ്ഞ്​ പണം തട്ടി

ഓച്ചിറ: കണ്ണിൽ മുളകുപൊടിയെറിഞ്ഞ് വീട്ടമ്മയെ തള്ളിയിട്ടശേഷം 7000 രൂപ കവർന്നു. തഴവ കുതിരപന്തി വീട്ടിൽ ബിജുവി​െൻറ ഭാര്യ ബീനക്ക് നേരെയാണ് ആക്രമണം ഉണ്ടായത്. ബുധനാഴ്ച ഉച്ചക്ക് 2.45ന് ബിജുവി​െൻറ കണ്ടത്തിൽ സ്റ്റേഷനറിയിലാണ് സംഭവം. സ്കൂട്ടറിലെത്തിയ യുവാവ് കടയിലെത്തി സിഗററ്റ് ചോദിച്ചു. ബീന സിഗററ്റ് എടുക്കാൻ അകത്തേക്ക് കയറിയപ്പോൾ ബിജുവി​െൻറ സുഹൃത്താണ് താനെന്ന് യുവാവ് പരിചയപ്പെടുത്തി. കൈയിലുണ്ടായിരുന്ന മത്സ്യം എടുത്തോളാനും പറഞ്ഞു. പിന്നാലെ സിഗററ്റ് വാങ്ങിയ ശേഷം യുവാവ് പോയി. കുറച്ച് സമയത്തിനു ശേഷം തിരികെവന്ന യുവാവ് കൈയില്‍ കരുതിയിരുന്ന മുളക്‌പൊടി ബീനയുടെ കണ്ണിലേക്ക് എറിഞ്ഞ് തള്ളിയിട്ടു. കടക്കുള്ളിലെ പെട്ടിയിൽനിന്ന് പണം അപഹരിച്ച ശേഷം സ്‌കൂട്ടറില്‍ രക്ഷപ്പെട്ടു. അയൽവീട്ടിലെ സി.സി ടി.വിയിൽ ദൃശ്യങ്ങൾ പതിഞ്ഞിട്ടുണ്ട്. ഓച്ചിറ പൊലീസ് കേസെടുത്ത് അന്വഷണം തുടങ്ങി.