അധ്യാപക ദിനാചരണം

കൊല്ലം: മുസ്ലിം അസോസിയേഷൻ അറബിക് അക്കാദമി സംഘടിപ്പിച്ച ദേശീയ അധ്യാപക ദിനാചരണത്തോടുബന്ധിച്ച് പ്രളയദുരിതത്തിൽ മരിച്ചവർക്കുവേണ്ടി പ്രാർഥിക്കുകയും ദുരിതാശ്വാസപ്രവർത്തനങ്ങളിൽ സഹായിച്ചവരെ അഭിനന്ദിക്കുകയും ചെയ്തു. മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന നൽകാനും തീരുമാനമായി. പ്രിൻസിപ്പൽ എ. അബദുല്ല മൗലവിയുടെ അധ്യക്ഷതയിൽ നടന്ന സമ്മേളനം ഡയറക്ടർ എം.എ. സമദ് ഉദ്ഘാടനം ചെയ്തു. വൈസ് പ്രിൻസിപ്പൽ ഡോ. എ.എം. മുഹമ്മദ് ബഷീർ, എ.അബ്ദുൽ റഹ്മാൻ, എം. ജസീന, എസ്. സാലിഹ, ലീഡർ എ.ജെ സുമയ്യ, എസ്. മുഹമ്മദ് അർഷാദ്, എസ്. റിയാസ്, രഞ്ജുരാജ് എന്നിവർ സംസാരിച്ചു.