എലിപ്പനി ബോധവത്കരണം; ഡോക്‌സി വാഗണ്‍ പര്യടനം ഇന്നുമുതല്‍

കൊല്ലം: ജില്ല ഭരണകൂടത്തി​െൻറയും മെഡിക്കല്‍ ഓഫിസി​െൻറയും ആഭിമുഖ്യത്തില്‍ സംഘടിപ്പിക്കുന്ന സഞ്ചരിക്കുന്ന ബോധവത്കരണ പരിപാടി-ഡോക്‌സി വാഗണ്‍ ജില്ലയില്‍ വ്യാഴാഴ്ച മുതല്‍ പര്യടനം നടത്തും. രാവിലെ 10.30ന് കലക്‌ടറേറ്റ് വളപ്പില്‍ കലക്ടര്‍ ഡോ. എസ്. കാര്‍ത്തികേയന്‍ പര്യടനം ഫ്ലാഗ് ഓഫ് ചെയ്യും. എലിപ്പനി റിപ്പോര്‍ട്ട് ചെയ്ത മേഖലകളിലാണ് വാഹനം എത്തുക. വിഡിയോ പ്രദര്‍ശനം, ബോധവത്കരണം, ആവശ്യക്കാര്‍ക്ക് ഡോക്‌സിസൈക്ലിന്‍ ഗുളിക വിതരണം എന്നിവ നടക്കും. പര്യടനം നാലു ദിവസം നീളും.