മേളകൾ പണക്കൊഴുപ്പില്ലാതെ നടത്തണം -കെ.എ.ടി.എഫ്

തിരുവനന്തപുരം: വിദ്യാഭ്യാസ മേഖലയിലെ കലോത്സവങ്ങൾ പഠനപ്രവർത്തനത്തി​െൻറ ഭാഗമാണന്നും ഒഴിവാക്കരുെതന്നും കെ.എ.ടി.എഫ് സംസ്ഥാന പ്രസിഡൻറ് ഇബ്രാഹിം മൂതൂർ വിദ്യഭ്യാസ മന്ത്രിക്ക് നൽകിയ നിവേദനത്തിൽ ആവശ്യപ്പെട്ടു. ഈ വർഷം മേളകൾ ഒഴിവാക്കുമ്പോൾ എസ്.എസ്.എൽ.സി, പ്ലസ് ടു വിദ്യാർഥികൾക്ക് അവസരം നഷ്ടപ്പെടും. കുട്ടികളുടെ മനസ്സിൽനിന്ന് പ്രളയഭീതി മായ്ക്കാനും മേള നടത്തേണ്ടതുണ്ട്. ഭക്ഷണം, ട്രോഫി, ജഡ്ജസ്, പന്തൽ തുടങ്ങിയവയിലെ ഭീമമായ ചെലവുകൾ പരമാവധി ചുരുക്കി സന്നദ്ധ സേവനത്തിലൂടെ കലോത്സവം സംഘടിപ്പിക്കണമെന്നും അദ്ദേഹം ആവശ്യപ്പെട്ടു.