കുഴൽപണവുമായി രണ്ട് ഇതരസംസ്ഥാനക്കാർ പിടിയിൽ

പാറശ്ശാല: തമിഴ്നാട്ടിൽനിന്ന് കടത്തിക്കൊണ്ടുവന്ന 23.5 ലക്ഷത്തി​െൻറ . തിരുച്ചിറപള്ളി സ്വദേശിയായ ജ്ഞാനശേഖർ (25), ഡിണ്ടിക്കൽ സ്വദേശി മുരുകൻ (45) എന്നിവരാണ് അരവിള എക്സൈസ് ചെക്ക്പോസ്റ്റിലെ വാഹന പരിശോധനക്കിടെ പിടിയിലായത്. തിരുനെൽവേലിയിൽനിന്ന് തിരുവനന്തപുരത്തേക്ക് വരികയായിരുന്ന തമിഴ്നാട് ആർ.ടി.സി ബസിൽ രണ്ട് ബാഗുകളിലാണ് രേഖകൾ ഇല്ലാതെ പണം കടത്തിക്കൊണ്ടുവന്നത്. തിരുവനന്തപുരത്തെ ഒരു വ്യക്തിക്ക് വേണ്ടിയാണ് പണം കൊണ്ടുവന്നതെന്നും ഇതിനുമുമ്പും സമാനമായ രീതിയിൽ പണം കടത്തിയിട്ടുണ്ടെന്നും പിടിയിലായവർ അധികൃതരോട് പറഞ്ഞു. ഇൻസ്പെക്ടർ എസ്.കെ സന്തോഷ്കുമാർ, പ്രവൻറീവ് ഓഫിസർമാരായ ജി. സുനിൽരാജ്, ആർ. രാജേഷ്കുമാർ എന്നിവരാണ് പണം കണ്ടെത്തിയത്.