ജോലി ചെയ്ത സ്ഥാപനത്തിൽനിന്ന് സ്കൂട്ടർ മോഷ്​ടിച്ചയാൾ പിടിയിൽ

കൊല്ലം: ജോലി ചെയ്ത ഹോട്ടലിൽനിന്ന് സ്കൂട്ടറും മൊബൈൽ ഫോണും പണവും കവർന്നയാൾ അറസ്റ്റിൽ. കുരീപ്പുഴയിലെ ഹോട്ടലിലെ ജീവനക്കാരനായിരുന്ന ചവറ മുകുന്ദപുരം കൊട്ടുകാട് സ്വദേശി നിസാം ആണ് (38) അറസ്റ്റിലായത്. കഴിഞ്ഞ ഒന്നിനാണ് ഇയാൾ സ്ഥാപനത്തിലെ സ്കൂട്ടറുമാ‍യി കടന്നത്. ഒപ്പം ജോലി ചെയ്ത ബംഗാൾ സ്വദേശിയുടെ മൊബൈൽ ഫോണും കടയിൽനിന്ന് 13,000 രൂപയും അപഹരിച്ചു. കടയുടമ വെസ്റ്റ് പൊലീസിൽ നൽകിയ പരാതിയെ തുടർന്ന് മൊബൈൽ ലൊക്കേഷൻ കേന്ദ്രീകരിച്ചു നടത്തിയ അന്വേഷണത്തിൽ കോട്ടയം നാഗമ്പടത്തുനിന്ന് പ്രതിയെ പിടികൂടുകയായിരുന്നു