കുരുന്നുകൾ അധ്യാപകരായി; അധ്യാപകർ കാഴ്ചക്കാരും

കിളിമാനൂർ: അധ്യാപകദിനാചരണം വേറിട്ട പരിപാടികേളാടെ സ്കൂളുകളിൽ നടന്നു. ഗവ. എൽ.പി സ്കൂളിൽ നടന്ന അധ്യാപകദിനാചരണത്തിൽ വിദ്യാർഥികൾ പ്രധാനാധ്യാപികയുടെയും അധ്യാപകരുടെയും ജോലികൾ ഏറ്റെടുത്തു. മടവൂർ എൻ.എസ്.എസ് ഹയർ സെക്കൻഡറി സ്കൂളി​െൻറ പൂർണ ചുമതല വിദ്യാർഥികൾ ഏറ്റെടുത്ത് നടത്തി. പ്രിൻസിപ്പൽ എസ്. വസന്തകുമാരി ഉദ്ഘാടനം ചെയ്തു. പി.ടി.എ പ്രസിഡൻറ് വി. പ്രസന്നൻ, വി. സുദർശന ബാബു, സ്റ്റാഫ് സെക്രട്ടറി എം. തമീമുദ്ദീൻ, ഗൗരീപാർവതി എന്നിവർ സംസാരിച്ചു. കരവാരം വൊക്കേഷനൽ ഹയർ സെക്കൻഡറി സ്കൂളിൽ ഹയർ സെക്കൻഡറി വിഭാഗം ഭരണ ചുമതല വിദ്യാർഥി പ്രതിനിധികൾക്ക് കൈമാറി.