എംപ്ലോയ്‌മെൻറ്​ രജിസ്‌ട്രേഷന്‍ പുതുക്കാൻ സമയം നീട്ടി

തിരുവനന്തപുരം: പ്രളയത്തെതുടര്‍ന്ന് എംപ്ലോയ്‌മ​െൻറ് രജിസ്‌ട്രേഷന്‍ പുതുക്കല്‍, ഡിസ്ചാര്‍ജ് സര്‍ട്ടിഫിക്കറ്റ് ചേര്‍ക്കല്‍ എന്നിവക്ക് കഴിയാഞ്ഞവർക്ക് സമയപരിധി നീട്ടിയതായി സബ് റീജനല്‍ എംപ്ലോയ്‌മ​െൻറ് ഓഫിസര്‍ അറിയിച്ചു. രജിസ്‌ട്രേഷന്‍ കാര്‍ഡില്‍ 6/18 രേഖപ്പെടുത്തിയിരിക്കുന്നവര്‍ക്ക് 9/18 വരെയും 7/18 രേഖപ്പെടുത്തിയവര്‍ക്ക് 10/18 വരെയും 8/18 രേഖപ്പെടുത്തിയവര്‍ക്ക് 11 /18 വരെയും പുതുക്കി നല്‍കും. ഇക്കാലയളവില്‍ വിടുതല്‍ എന്‍.ജെ.ഡി സര്‍ട്ടിഫിക്കറ്റ് ഹാജരാക്കേണ്ടവര്‍ക്കും ഇൗ കാലയളവ് ബാധകമാക്കി. ഓണ്‍ലൈനായി അധിക യോഗ്യത രജിസ്റ്റര്‍ ചെയ്ത് വെരിഫിക്കേഷന് ഹാജരാകേണ്ടിയിരുന്നവർക്ക് 30 ദിവസത്തെ അധികസമയവും അനുവദിച്ചു. കൈവല്യ പദ്ധതി: സൗജന്യ മത്സരപരീക്ഷ പരിശീലനം തിരുവനന്തപുരം: കൈവല്യപദ്ധതി പ്രകാരം മത്സരപരീക്ഷക്ക് തയാറെടുക്കുന്ന ഭിന്നശേഷി ഉദ്യോഗാർഥികള്‍ക്ക് സൗജന്യ മത്സരപരീക്ഷ പരിശീലനം നല്‍കുന്നു. ഒരുമാസത്തെ പരിശീലനം 13 ന് ആരംഭിക്കും. ഏഴിനകം ഉപ്പളം റോഡിലുള്ള ഭിന്നശേഷിക്കാര്‍ക്കായുള്ള എംപ്ലോയ്മ​െൻറ് എക്‌സ്‌ചേഞ്ചിൽ രജിസ്റ്റര്‍ ചെയ്യണം. ആദ്യം രജിസ്റ്റര്‍ ചെയ്യുന്ന 30 പേര്‍ക്കാണ് പ്രവേശനം(വിവരങ്ങള്‍ക്ക് 0471 2462654).