വിനോദസഞ്ചാര കേന്ദ്രങ്ങളിലേക്കുള്ള റോഡുകള്‍ പുനര്‍നിർമിക്കുന്നതിന് മുന്‍ഗണന -മന്ത്രി

തിരുവനന്തപുരം: പ്രധാന വിനോദസഞ്ചാര കേന്ദ്രങ്ങളിലേക്കുള്ള റോഡുകള്‍ പുനര്‍നിർമിക്കുന്നതിനാണ് സര്‍ക്കാര്‍ മുന്‍ഗണന നല്‍കുന്നതെന്ന് മന്ത്രി കടകംപള്ളി സുരേന്ദ്രന്‍. പ്രളയ ദുരിതാശ്വാസ പ്രവര്‍ത്തനങ്ങളില്‍ പെങ്കടുത്ത സന്നദ്ധപ്രവര്‍ത്തകരെ അനുമോദിക്കാന്‍ ടൂറിസം വകുപ്പ് സംഘടിപ്പിച്ച 'കൈത്താങ്ങിന് കൂപ്പുകൈ' പരിപാടിയില്‍ സംസാരിക്കുകയായിരുന്നു അദ്ദേഹം. ലൈഫ്ഗാര്‍ഡുകള്‍, കെ.ടി.ഡി.സിയിലെയും ഡി.ടി.പി.സികളിലെയും ബോട്ട് ഡ്രൈവര്‍മാര്‍, ജീവനക്കാര്‍, ടൂറിസം മേഖലയിലെ വിവിധ സംഘടനകളുടെ ആഭിമുഖ്യത്തില്‍ രക്ഷാപ്രവര്‍ത്തനത്തിന് പങ്കാളികളായവർ തുടങ്ങിയവരെയാണ് ആദരിച്ചത്. കെ. മുരളീധരന്‍ എം.എല്‍.എ, ടൂറിസം ഡയറക്ടര്‍ ബാലകിരണ്‍, അഡീ. ഡയറക്ടര്‍ കുമാരി മൃണ്‍മയി ജോഷി, കെ.ടി.ഐ.എല്‍ സി.എം.ഡി കെ.ജി. മോഹന്‍ലാല്‍, കെ.ടി.ഡി.സി എം.ഡി ആര്‍. രാഹുല്‍ തുടങ്ങിയവര്‍ പങ്കെടുത്തു.