ഗവേഷണ കോഴ്​സ്​ പ്രവേശനം: എസ്.സി/ എസ്​.ടി, ഒ.ബി.സി വിഭാഗങ്ങൾക്ക്​ മാർക്ക്​ ഇളവ്​

തിരുവനന്തപുരം: സർവകലാശാലകളിൽ ഗവേഷണ കോഴ്സുകളിലേക്ക് നടത്തുന്ന പ്രവേശനപരീക്ഷയിൽ എസ്.സി/എസ്.ടി, ഒ.ബി.സി, ഭിന്നശേഷി വിഭാഗങ്ങളിലുള്ളവർക്ക് മാർക്ക് ഇളവ് അനുവദിച്ച് യു.ജി.സി. പ്രവേശന പരീക്ഷയിൽ അഞ്ച് ശതമാനം മാർക്കി​െൻറ ഇളവാണ് അനുവദിച്ചത്. പ്രവേശന പരീക്ഷയിൽ 50 ശതമാനം മാർക്കിന് പകരം ഇവർക്ക് 45 ശതമാനം മാർക്ക് നേടിയാൽ യോഗ്യരാകും. ഒ.ബി.സി നോൺ ക്രീമിലെയർ വിഭാഗങ്ങൾക്കാണ് ഇളവ്. പ്രവേശന പരീക്ഷ മാർക്കിലെ ഇളവ് കൂടി യു.ജി.സിയുടെ 2018ലെ മിനിമം സ്റ്റാേൻറഡ്സ് ആൻഡ് പ്രൊസീജിയർ ഫോർ അവാർഡ് ഒാഫ് എം.ഫിൽ/ പിഎച്ച്.ഡി ഡിഗ്രീസ് െറഗുലേഷനിൽ ഉൾപ്പെടുത്തി കേന്ദ്രമാനവശേഷി മന്ത്രാലയം വിജ്ഞാപനം പുറപ്പെടുവിച്ചു.