സീനിയര്‍ റസിഡൻറ് നിയമനം

തിരുവനന്തപുരം: മെഡിക്കല്‍ കോളജ് ആശുപത്രിയിലെ എൻറോക്രൈനോളജി വിഭാഗത്തില്‍ സീനിയര്‍ റസിഡൻറ് തസ്തികയിലേക്ക് കരാര്‍ അടിസ്ഥാനത്തില്‍ നിയമനം നടത്തുന്നതിന് 19ന് രാവിലെ 10ന് പ്രിന്‍സിപ്പലി​െൻറ കാര്യാലയത്തില്‍ വാക്-ഇന്‍ ഇൻറര്‍വ്യൂ നടത്തും. രണ്ട് ഒഴിവുകളാണുള്ളത്. ഡി.എം. എൻറോക്രൈനോളജി/എം.ഡി ജനറല്‍ മെഡിസിനാണ് വിദ്യാഭ്യാസയോഗ്യത. 50,000 രൂപ വേതനം ലഭിക്കും. ഇൻറര്‍വ്യൂവിന് ഹാജരാകുന്നവര്‍ ജനനതീയതി, വിദ്യാഭ്യാസയോഗ്യത, മുന്‍പരിചയം എന്നിവ തെളിയിക്കുന്ന അസല്‍ രേഖകളും അവയുടെ ഒരു സെറ്റ് സ്വയം സാക്ഷ്യപ്പെടുത്തിയ പകര്‍പ്പും സഹിതം ഹാജരാകണം.