പൗരാവകാശപ്രവർത്തകരുടെ അറസ്​റ്റിൽ പ്രതിഷേധം

തിരുവനന്തപുരം: പൗരാവകാശപ്രവർത്തകരെ അറസ്റ്റു ചെയ്യുന്നത് ജനാധിപത്യത്തെ തടവിലാക്കി അപ്രഖ്യാപിത അടിയന്തരാവസ്ഥ ഏർപ്പെടുത്തുന്നതിന് തുല്യമാണെന്ന് ഹരിതസ്പർശം സെക്രേട്ടറിയറ്റിന് മുന്നിൽ സംഘടിപ്പിച്ച പ്രതിഷേധകൂട്ടം അഭിപ്രായപ്പെട്ടു. ഹരിതസ്പർശം ചെയർമാൻ ഷഹീർ ജി അഹമ്മദ് അധ്യക്ഷത വഹിച്ചു. സാഹിതി പ്രസിഡൻറ് എം.എച്ച്. ഹുമയൂൺ കബീർ ഉദ്ഘാടനം ചെയ്തു. മാണിക്യവിളാകം റാഫി, ഡി. നൗഷാദ്, ഷഹീർ ഖരീം, ചാന്നാങ്കര കബീർ, എ.പി മിസ്വർ, മുനീർ കുരവിള, ഷാൻ പാങ്ങോട്, അബ്ദുൽ മജീദ്, ആര്യനാട് അസീസ്, മുഹമ്മദ് സബാഹ്, നൗഷാദ് ഷാഹുൽ, മൻസൂർ ഗസാലി, അൻസർ പെരുമാതുറ, ഷമീം വള്ളക്കടവ്, പാളയം ഫിറോസ്, യാസിൻ കല്ലാട്ടുമുക്ക്, ഉസ്മാൻ എന്നിവർ സംസാരിച്ചു.