വിവാഹ ചെലവിൽനിന്ന്​ ഒരുലക്ഷം നൽകി

തിരുവനന്തപുരം: വിവാഹ ചെലവിനുള്ള തുകയില്‍നിന്ന് പെൺകുട്ടി മുഖ്യമന്ത്രിയുടെ ദുരിതാശ്വാസ നിധിയിലേക്ക് ഒരുലക്ഷം രൂപ സംഭാവന നല്‍കി. കെ.എസ്.ടി.എ സംസ്ഥാന എക്സിക്യൂട്ടിവംഗം കെ. റജിയുടെ മകള്‍ ജെ.ആര്‍. നയനതാരയാണ് പണം നല്‍കിയത്. മന്ത്രി കടകംപള്ളി സുരേന്ദ്ര​െൻറ ഓഫിസിലെത്തി നവദമ്പതികള്‍ ചെക്ക് കൈമാറി. കഴിഞ്ഞദിവസമാണ് നയനതാരയും അനന്തുബാലചന്ദ്രനും വിവാഹിതരായത്.