അനുമോദിച്ചു

തിരുവനന്തപുരം: പ്രളയദുരന്ത മേഖലയിൽ പൊതുശുചീകരണ യജ്ഞത്തിൽ പങ്കാളികളായ കേരള മുനിസിപ്പൽ കോർപറേഷന്‍ വര്‍ക്കേഴ്‌സ് ഫെഡറേഷ(സി.െഎ.ടി.യു)നെയും കെ.എം.സി.എസ്.യുവിനെയും അനുമോദിച്ചു. സി.ഐ.ടി.യു സംസ്ഥാന സെക്രട്ടറി വി. ശിവന്‍കുട്ടി ഉദ്ഘാടനം ചെയ്തു. കെ.എം.സി.ഡബ്ല്യു.എ ജില്ല പ്രസിഡൻറ് എം. ഹരിലാൽ അധ്യക്ഷത വഹിച്ചു. മേയർ വി.കെ. പ്രശാന്ത്, സ്ഥിരംസമിതി അധ്യക്ഷന്‍ വഞ്ചിയൂര്‍ പി. ബാബു, കെ.എം.സി.ഡബ്ല്യു.എഫ്‌ സംസ്ഥാന സെക്രട്ടറി കണ്ണമ്മൂല വിജയന്‍, കെ.എം.സി.എസ്.യു സംസ്ഥാന പ്രസിഡൻറ് പി. സുരേഷ്, സംസ്ഥാന വൈസ് പ്രസിഡൻറ് എ.ബി. വിജയകുമാര്‍, സംസ്ഥാന സെക്രട്ടറി എസ്.എസ്. മിനു, ജില്ല സെക്രട്ടറി എം. മനോജ്, നഗരസഭ സെക്രട്ടറി എൽ.എസ്. ദീപ എന്നിവർ സംസാരിച്ചു. കെ.എം.സി.എസ്.യു യൂനിറ്റ്‌ സെക്രട്ടറി എസ്. സജീവ്‌ സ്വാഗതവും കെ.എം.സി.ഡബ്ല്യു.എഫ്‌ സംസ്ഥാന കമ്മിറ്റിയംഗം രാജഗോപാൽ നന്ദിയും പറഞ്ഞു.