ദുരിതാശ്വാസ പ്രവർത്തനത്തിൽ പങ്കാളികളായി പള്ളിക്കൽ പഞ്ചായത്ത്​

കിളിമാനൂർ: പ്രളയത്തെ തുടർന്നുള്ള ദുരിതാശ്വാസ പ്രവർത്തനങ്ങളിൽ പള്ളിക്കൽ പഞ്ചായത്ത് ഭരണസമിതിയും ജീവനക്കാരും പങ്കെടുത്തു. ചെങ്ങന്നൂരിലെ പാണ്ടനാട് പഞ്ചായത്തിലാണ് പഞ്ചായത്തിൽനിന്നുള്ള സംഘം ശുചീകരണ പ്രവർത്തനങ്ങൾ നടത്തിയത്. അഞ്ച് കിണറുകളും മൂന്ന് വീടുകളും ശുചീകരിച്ചു. പഞ്ചായത്ത് ഭരണസമിതിയും ജീവനക്കാരും ചിന്ത വയലിക്കട, മഹാ ദേവർഗ്രാമം ആയിരവില്ലി ക്ലബുകളിലെ യുവാക്കളുമടക്കം 35 അംഗങ്ങളാണ് പ്രവർത്തനങ്ങളിൽ പങ്കെടുത്തത്. പഞ്ചായത്ത് പ്രസിഡൻറ് അടുക്കൂർ ഉണ്ണി, വൈസ് പ്രസിഡൻറ് ഹസീന, സെക്രട്ടറി അബ്ദുൽ ജവാദ് എന്നിവർ നേതൃത്വം നൽകി.