ചിറക്​ മുളക്കുന്ന പെരുമാതുറ പഞ്ചായത്തും, പൊന്ന്​ വിളയിക്കുന്ന മുതലപ്പൊഴി ടൂറിസം പദ്ധതിയും

സ്നേഹതീരം, ജന്മനാടിന് നേടിക്കൊടുത്ത രണ്ട് വികസന സമ്മാനങ്ങളാണ് പെരുമാതുറ പഞ്ചായത്തും മുതലപ്പൊഴി ടൂറിസം പദ്ധതിയും. ഇന്നല്ലെങ്കിൽ നാളെ സാക്ഷാത്കരിക്കപ്പെടാൻ പോകുന്ന പെരുമാതുറ പഞ്ചായത്ത് അനുവദിച്ചുകൊണ്ട് അന്നത്തെ തദ്ദേശ സ്വയംഭരണ മന്ത്രി എം.കെ. മുനീർ പറഞ്ഞു 'ഞാൻ എ​െൻറ പ്രിയസുഹൃത്ത് ഇ.എം. നജീബിന് നൽകുന്ന സമ്മാനം' ആണ് പെരുമാതുറ പഞ്ചായത്ത്. സ്നേഹതീരം ജനറൽ സെക്രട്ടറി എസ്. സക്കീർഹുസൈൻ നടത്തിയ പ്രവർത്തനങ്ങളുടെ ഫലമായാണ് മൂന്ന് കോടിയുടെ മുതലപ്പൊഴി ടൂറിസം പദ്ധതിക്ക് അനുമതി ലഭിച്ചത്. ടെൻഡർ നടപടികൾ കഴിഞ്ഞ് ഇതി​െൻറ പണി ആരംഭിക്കുകയും ചെയ്തു. മൂന്ന് കോടി മുപ്പത് കോടിയായി വർധിക്കുന്ന തരത്തിൽ ടൂറിസം സാധ്യതകൾ ഉള്ള പ്രദേശമാണ് മുതലപ്പൊഴി എന്ന് ടൂറിസം അധികൃതരും സമ്മതിക്കുന്നു. ടൂറിസത്തിന് അത്രമാത്രം വികസന സാധ്യതയുള്ള പ്രകൃതി അനുഗ്രഹിച്ച് നൽകിയ പ്രദേശമാണ് മുതലപ്പൊഴി.