ഹൈദരാബാദ് മലയാളി കൂട്ടായ്മ 64 ലക്ഷത്തി​െൻറ മരുന്നുകള്‍ നല്‍കി

തിരുവനന്തപുരം: ഹൈദരാബാദ് മലയാളികൂട്ടായ്മയുടെ ശ്രമഫലമായി അരവിന്ദോ ഫാര്‍മസി കമ്പനി 64 ലക്ഷം രൂപയുടെ 1218 ബോക്‌സ് മരുന്നുകള്‍ കെ.എം.എസ്.സി.എല്ലിന് ൈകമാറിയതായി ആരോഗ്യമന്ത്രി കെ.കെ. ശൈലജ. വിപണിയിൽ രണ്ട് കോടിയോളം വിലമതിക്കുന്ന ആൻറിബയോട്ടിക്കുകളാണ് നല്‍കിയത്. എട്ട് ലക്ഷം രൂപ വില വരുന്ന ആറ് ടണ്ണോളം വരുന്ന അവശ്യവസ്തുക്കളും മലയാളികൂട്ടായ്മ സ്വരൂപിച്ച് അയച്ചിരുന്നു. ഇതുകൂടാതെ വയനാട് ജില്ലയിലേക്ക് 290 ബെഡുകള്‍, ഷീറ്റുകള്‍, തലയിണകള്‍, ഒരു ടണ്‍ ബ്ലീച്ചിങ് പൗഡര്‍ എന്നിവയും അയച്ചിട്ടുണ്ട്. ലക്ഷങ്ങൾ വിലമതിക്കുന്ന ഭക്ഷ്യവസ്തുക്കളും വസ്ത്രങ്ങളും നേരേത്ത നല്‍കിയിരുന്നു.