അനുഗ്രഹത്തിെൻറ കുളിർമഴയിൽ വിശ്വാസികൾ

ബാലരാമപുരം: തിളച്ചുമറിയുന്ന വെയിൽചൂടിനെ വകഞ്ഞുമാറ്റി മണ്ണ് നനയിച്ച് തുടരുന്ന കുളിർമഴ അനുഗ്രഹമായി വിശ്വാസികൾ. വർഷങ്ങളായി വേനൽ ചൂടി​െൻറ കാഠിന്യത്തിലായിരുന്നു നോമ്പുകാലം. ഇത്തവണയും കടുപ്പമേറുമെന്ന ആശങ്കയിലായിരുന്നു വിശ്വാസികൾ. പ്രത്യേകിച്ചും ചുമട്ടു തൊഴിലാളികൾ അടക്കം ഭാരിച്ച ജോലികൾ ചെയ്യുന്നവരെ സംബന്ധിച്ച് വേനലി​െൻറ തീച്ചൂട് ചർച്ചയായിരുന്നു. പക്ഷെ റമദാൻ ആരംഭത്തോടെ പൊടുന്നനെ മാറിമാറിഞ്ഞ കാലാവസ്ഥ വിശ്വാസികളിൽ വലിയൊരു ആശ്വാസമാണ് പകർന്നത്. ചന്ദ്രവർഷ കലണ്ടറിലെ ഒമ്പതാം മാസമായ റമദാൻ വിവിധ കാലാവസ്ഥകളിൽ മാറിമാറിവരുകയാണ് പതിവ്. കഠിനമായ വേനലിൽ നോമ്പ് പിടിച്ച് ശീലമില്ലാത്ത മലയാളിയെ സംബന്ധിച്ചിടത്തോളം വർധിച്ചുവരുന്ന വേനൽചൂട് പുതിയ വെല്ലുവിളിയാണുയർത്തിയത്. മഴ റമദാനിൽ എത്തിയത് ഇരട്ട അനുഗ്രഹമായാണ് വിശ്വാസിസമൂഹത്തി​െൻറ വിലയിരുത്തൽ.