അയണിവേലിക്കുളങ്ങര വില്ലേജില്‍ ഖനനാനുമതി നല്‍കരുതെന്നാവശ്യപ്പെട്ട് നിവേദനം

കരുനാഗപ്പള്ളി: അയണിവേലിക്കുളങ്ങര വില്ലേജില്‍ ഖനനാനുമതി നല്‍കി പ്രകൃതിയെയും ആവാസവ്യവസ്ഥയെയും തകര്‍ക്കരുതെന്ന് ആവശ്യപ്പെട്ട് നിവേദനം നൽകി. കോഴിക്കോട് മുസ്‌ലിം ജമാഅത്ത് കമ്മിറ്റി, കോഴിക്കോട് എന്‍.എസ്.എസ് കരയോഗം, എസ്.എന്‍.ഡി.പി ശാഖായോഗങ്ങള്‍, സ​െൻറ് തോമസ് മാര്‍ത്തോമാ സഭ ഇടവക, വിവിധ റസിഡൻറ്സ് അസോസിയേഷനുകള്‍, കോഴിക്കോട് കയര്‍ വ്യവസായ സഹകരണസംഘം ഭരണസമിതി, കോഴിക്കോട് ക്ഷീരസംഘം ഭരണസമിതി എന്നിവയുടെ ഭാരവാഹികളാണ് കലക്ടര്‍, സംസ്ഥാന മലിനീകരണ നിയന്ത്രണ ബോര്‍ഡ് അണ്ടര്‍സെക്രട്ടറി എന്നിവർക്ക് നിവേദനം നൽകിയത്.