നവകേരളം 2018: അസാപ്​ വിദ്യാർഥികളുടെ സേവനം ശ്രദ്ധേയമായി

കൊല്ലം: സർക്കാറി​െൻറ രണ്ടാം വാർഷികാഘോഷങ്ങളുടെ ഭാഗമായി ആശ്രാമം മൈതാനത്ത് നടത്തിവരുന്ന നവകേരളം -2018 പ്രദർശനമേളയിൽ പൊതു-ഉന്നത വിദ്യാഭ്യാസ വകുപ്പുകളുടെ സംയുക്ത സംരംഭമായ അഡീഷനൽ സ്കിൽ അക്വിസിഷൻ പ്രോഗ്രാമി​െൻറ (അസാപ്) വിദ്യാർഥികളുടെ സേവനം ശ്രദ്ധേയമായി. മൂന്ന് ഷിഫ്റ്റുകളിലായി അസാപ് വിദ്യാർഥികൾ മികവുറ്റ സേവനമാണ് കാഴ്ചവെച്ചത്. 15 വയസ്സിനും 25നും മധ്യേയുള്ള യുവജനങ്ങൾക്കായി അസാപ് ഒരുക്കിയ സൗജന്യ അഭിരുചി പരീക്ഷ ഏവർക്കും ഉപകാരപ്രദമായി. പ്രമുഖർ ക്ലാസുകളും സെമിനാറുകളും നടത്തി. നവകേരളം -2018 പ്രദർശനമേള വെള്ളിയാഴ്ച സമാപിക്കും.