വളവിലെ മേൽമൂടിയില്ലാത്ത ഓട അപകടഭീഷണിയുയർത്തുന്നു

ചവറ: ശാസ്‌താംകോട്ട റോഡിൽ അരിനല്ലൂർ കുമ്പഴമുക്കിലെ വളവിൽ അപകടങ്ങൾ പതിവാകുന്നു. റോഡി​െൻറ ഇരുവശത്തേയും ഓടക്ക് മേൽമൂടിയില്ലാത്തതാണ് അപകടകാരണം. ആധുനികരീതിയിൽ ടാർ ചെയ്ത റോഡിൽ വെള്ളക്കെട്ടൊഴിവാക്കാനാണ് ഇരുവശത്തും ഓട നിർമിച്ചത്. എന്നാൽ, വളവ് തിരിഞ്ഞെത്തുന്ന വാഹനങ്ങൾ കുഴിയറിയാതെ അപകടത്തിൽപെടുന്നത് പതിവാെണന്ന് നാട്ടുകാർ പറയുന്നു. കഴിഞ്ഞ ദിവസവും യാത്രക്കാരുമായി വന്ന കാർ അപകടത്തിൽപെട്ടിരുന്നു. അപകടമേഖല കണക്കിലെടുത്ത് ഓടകൾക്ക് മേൽമൂടി സ്ഥാപിക്കണമെന്നാവശ്യത്തിലാണ് നാട്ടുകാർ.