പ്രീമെട്രിക് സ്കോളർഷിപ്​ തുക ലഭ്യമാക്കുന്നതിന് നടപടികൾ സ്വീകരിക്കണം

തിരുവനന്തപുരം: ന്യൂനപക്ഷ വിഭാഗത്തിൽപെട്ട ഒന്ന് മുതൽ 10 വരെ ക്ലാസുകളിൽ പഠിക്കുന്ന വിദ്യാർഥികളിൽനിന്ന് അർഹരായവർക്ക് കേന്ദ്ര സർക്കാർ നൽകിവരുന്ന പ്രീമെട്രിക് സ്കോളർഷിപ്പി​െൻറ കഴിഞ്ഞ വർഷത്തെ തുക ലഭ്യമാക്കുന്നതിന് സത്വര നടപടികൾ സ്വീകരിക്കണമെന്ന് കേരള അറബിക് മുൻഷീസ് അസോസിയേഷൻ (കെ.എ.എം.എ) ആവശ്യപ്പെട്ടു. പുതിയ അപേക്ഷാ സമർപ്പണം സ്കൂളുകൾ വഴി ലളിതമാക്കണം. സ്കോളർഷിപ്പിന് അർഹത നേടിയാൽ പത്താം ക്ലാസ് വരെ തുടർച്ചയായി ലഭിക്കേണ്ടതിന് വീണ്ടും അപേക്ഷ സമർപ്പിക്കണം എന്നുള്ള നിയമത്തിൽ മാറ്റം വരുത്തണമെന്നും കെ.എ.എം.എ സംസ്ഥാന ജനറൽ സെക്രട്ടറി എം. തമീമുദ്ദീൻ, സംസ്ഥാന പ്രസിഡൻറ് എ.എ. ജാഫർ എന്നിവർ വാർത്താക്കുറിപ്പിൽ ആവശ്യപ്പെട്ടു.